• 12 сәуір 2024
• 225

Дәстүрлі өнер – ұлт мұрасы

Жыраулар үйінде Қазақстанның Еңбек сіңірген қайраткері, профессор, «Парасат» орденінің иегері, Қызылорда облысының  Құрметті азаматы, жырау  Алмас Алматов шеберлік дәрісін өткізді. Жиында Сыр бойындағы жыраулық дәстүрдің бүгіні мен өзекті мәселелері талқыланды.

Шеберлік дәріске Қорқыт ата атындағы Қызылорда университетінің «Педагогика және дәстүрлі өнер» институтының директоры Наку Мирманов, «Дәстүрлі музыка өнері және хореография» білім беру бағдарламасының жетекшісі Мақпал Шакирова және аға оқытушылары Ахметов Руслан, Бимбетова Шолпан, Сәрсенбаева Майра, Ноғайбаева Ақмарал, Сүгірбай Марат қатысты.

Өнер саласының майталмандары дәстүрлі өнер саласындағы пікірін білдіріп, ойларын ортаға салды.

Жиын соңында осы салада жемісті еңбек етіп жүрген Мақпал Шакирова облыстық филармонияның алғыс хатымен марапатталды.