• 30 сәуір 2024
• 212

Спорт саласын дамыту семинарда талқыланды

Қорқыт ата атындағы Қызылорда университетінде облыстық білім басқармасы, дене шынықтыру және  спорт саласының мамандарымен облыстағы маман даярлау және дене шынықтыру сабағының сапасын арттыруға байланысты семинар өтті.

Спорт саласындағы мәселелерді талқылауға облыстық білім басқармасы «Тәрбие, спорт және қосымша білім беру орталығы» коммуналдық мемлекеттік мекемесінің директоры, академиялық кеңес мүшесі Фархат Досаев, облыстық дене шынықтыру, спорт және туризм басқармасының  бұқаралық спорт бөлімінің басшысы Ғалым Сихымов, оқу-спорттық бөлімінің басшысы, білім беру бағдарламалары бойынша жұмыс берушілер кеңесінің мүшесі  Мәулен Жексенбайұлы, қалалық дене шынықтыру пәнінің мұғалімі Талғат Сырғабаев және «Жаратылыстану» институтының директоры х.ғ.к. Нұрлыбек Ахатаев «Дене шынықтыру және бастапқы әскери дайындық» білім беру бағдарламасының жетекшісі Қуатбеков Шеризат, профессор оқытушылар құрамы мен студенттер қатысты.

Семинар барысында жоғары оқу орнына қабылданатын талапкерлерді іріктеуде дене шынықтыру пәні мұғалімдерінің үлесі, мектептерде дене шынықтыру сабағының сапасын арттыру мәселелері қарастырылып, жұмыс берушілермен білім беру бағдарламасының элективті пәндерінің  мазмұны талқыланды.