• 28 мамыр 2024
• 276

Білім грантын жеңіп алды

Қорқыт ата атындағы Қызылорда университеті —  Qyzylorda облыстық телеарнасының «Зияткер» интеллектуалдық бағдарламасының басты демеушісі. 

Интеллектуалдық бағдарламаға Қызылорда облысының жеті ауданынан және қаладан 400-ге жуық оқушы қатысты. Оның ішінде 48 оқушы апталық ойындардан іріктеліп, әр кезеңнен сүрінбей  өткен алты оқушы финалдық ойында сайысты. Нәтижесінде Жалағаш ауданы, А.Бисенов атындағы №38 орта мектебінің оқушысы Мұхаммед Әбдіраман I – орынды жеңіп алса, Қызылорда қаласы, Ж.Махамбетов атындағы №43 қазақ орта мектебінің оқушысы Мәулеш Сая II – орын, сондай-ақ І.Қабылов атындағы №12 IT мектеп-лицейінің оқушысы Әбдіхамитова Ақбота III – орынды иеленді. 

Бағдарламаның бас демеушісі Қорқыт ата атындағы Қызылорда университеті атынан Университеттің Басқарма мүшесі-Әлеуметтік мәселелер және тәрбие жұмыстары жөніндегі проректор Базартай Жандос үш жеңімпазға да оқу грантын табыстады.