• 15 қыркүйек 2024
• 131

АЭС құрылысының әсері талқыланды

Қорқыт ата атындағы Қызылорда университетінде «АЭС-тің айналаға әсері қандай» тақырыбында кездесу өтті. Жиын Мұстафа Шоқай атындағы орталықта ұйымдастырылды. Кездесу барысында университеттің профессор-зерттеушісі, химия ғылымдарының кандидаты, профессор Нұрбол Аппазов баяндама жасады.

Спикер АЭС құрылысының қоршаған ортаға ықпалы, экологиялық қауіпсіздік, радиациялық әсер және оның халық денсаулығына ықпалы секілді мәселелерге тоқталды. Сонымен қатар АЭС-тің заманауи технологияларын пайдалану арқылы экологиялық әсерді азайту жолдары туралы нақты деректер келтірді.

Жиынға Гуманитарлық-педагогикалық институтының ғалымдары қатысып, кездесу соңында АЭС құрылысы төңірегінде өзара пікір алмасты.