• 30 қыркүйек 2024
• 1083

Биыл алғаш рет жоғары білім қызметкерлері күні аталып өтіледі

Өңірлік коммуникация қызметінің алаңында 1 қазан - жоғары білім қызметкерлері күні аясында баспасөз конференциясы өтті.
Жиынға Қорқыт ата атындағы Қызылорда университетінің профессоры Ибадулла  Таутенов қатысып, мерекенің маңыздылығына тоқталды.
“Жоғары білім қызметкерлерінің кәсіби мерекесін бекіту арқылы келешек маман даярлауға үлкен көңіл бөлініп отыр. Өңір экономикасы салаларындағы мамандардың 80 пайызға жуығы университетіміздің түлектері. Соңғы бес жылдың өзінде 12 мыңнан аса маман дайындалды. Олар қай жұмыста болмасын өз ісінің шебері атанып, университеттің дәрежесін көтеріп жүр. Бұл ұжымның тынымсыз ізденісі мен қажырлы еңбегінің нәтижесі”,-деді Ибадулла Таутенов.

Қазіргі таңда университет қызметкерлерінің саны 1120 штат бірлігін құрайды. 2024-2025 жылдары ғылыми дәрежесі бар оқытушылардың үлесі 51 пайызды құрады. Ғылыми дәрежесі бар профессор-оқытушы құрамы мен университет қызметкерлерінің орташа жасы  46 жасты құрайды.
Университет бюджеті соңғы бес жылда 2,3 есеге артты. Қаржылық жағдайдың тұрақты түрде өсуі арқылы кейінгі төрт жылда профессор-оқытушылар құрамының еңбекақысы 3 еседей, ал қалған қызметкерлердің еңбекақысы 2 еседен астам көтерілді.