• 07 қазан 2024
• 378

Кітап оқитын жастардың талғамы қандай?

Қазіргі кезде кітапты іздеп жүріп оқитын жастардың қатары артып келеді. Оның дәлелі - кітапханаға жас оқырмандардың жиі келуі.

Қазіргі таңда Қорқыт ата атындағы Қызылорда университетінің ғылыми кітапханасында көп сұралатын кітаптар тізімінде Ж.Бұлақтың «Сөз менеджменті», Х.Луизаның «Жизнь тебя любит», К.Бекжігітованың «Ойыңды өзгертіп, өміріңді өзгерт», Қ.Жолдыбайұлының «KemelAdam», Д.Исабековтың «Қарғын», А.Сент-Экзюперидің «Кішкентай шахзада» және Г.Петровтың  «Мінсіз мұғалім» бар.

Оқу процесіне байланысты студенттеріміз Б.Жандарбековтың «Сақтар», І.Есенберлиннің «Көшпенділер», Т.Жұртбайдың «Дулыға» атты кітаптарын қызығушылықпен алып оқиды.

Жалпы оқу орнының ғылыми кітапханасында мотивациялық кітаптар көп сұраныста. Кітапхана сөрелеріндегі әр кітаптың берері мол, қайтарымы шексіз.

Жаңа технологиялар дәуірлеген уақытта адамзат ақылының киелі мекені, рухани әлемін жаңалыққа жетелеген кітаптың орнын еш нәрсе алмастыра алмайды.