• 09 қазан 2024
• 411

«Референдум-2024: Қазақстанның атом энергетикасындағы жаңа қадамы»

Қорқыт ата атындағы Қызылорда университетінде «Референдум - 2024» ғылыми-талқылау қорытынды жиыны  өтті. Жиынды модератор ретінде Әлеуметтік және тәрбие жұмыстары жөніндегі проректор Жандос Базартай жүргізді. Талқылауға университеттің профессор-оқытушылары мен студенттер қатысты.

Жиынға қатысқан химия ғылымдарының кандидаты, Жаратылыстану институтының директоры Нұрлыбек Ахатаев  пен техника ғылымдарының кандидаты Смайыл Тайманов  атом энергетикасы саласындағы жаңа технологиялардың қауіпсіздігі мен экологиялық әсерлеріне тоқталды. Ал экономика ғылымдарының кандидаты, қауымдастырылған профессор Меруерт Өмірзақова АЭС салу арқылы ел экономикасына әсер ететін факторларды саралады.

Айта кетейік, Қазақстанда атом электр станциясының құрылысына қатысты 6 қазанда жалпыхалықтық рефрендум өтті. Нәтижесінде, дауыс берушілердің 71,12%-ы жобаны қолдап дауыс берді.

Жиынның соңында қатысушылар АЭС-тің әлемдік энергетикалық үдерістегі рөлін талқылап, ел экономикасы мен экологиялық тұрақтылығы үшін тиімді және қауіпсіз шешім бола алады деп сенім білдірді.