• 12 қазан 2024
• 546

Қорқыт ата университеті “Таза Қазақстан” акциясына белсене қатысты

Қорқыт ата атындағы Қызылорда университетінің қызметкерлері мен студенттері “Таза Қазақстан” экологиялық акциясы аясында Сырдария өзенінің жағалауында сенбілік өткізді. Бұл шара табиғатты қорғау және экологиялық мәдениетті арттыру мақсатында ұйымдастырылып отыр.

Акция барысында университет ұжымы мен студенттер өзен жағалауындағы қоқыстарды жинап, табиғатты қорғауға өз үлестерін қосты. Әсіресе пластикалық қалдықтарды сұрыптауға ерекше мән берілді, себебі бұл жоба «3.2.1 Старт!» бағдарламасы шеңберінде іске асырылып отыр.

Жасыл экономиканы қолдау және G-Global-ды дамыту Коалициясының менеджері Шынар Шоқпанованың айтуынша, бұл жоба тек қоқыс жинаумен шектелмейді. “Қазақстан бойынша 10 университет қатысып жатқан «3.2.1 Старт!» жобасы аясында пластик қалдықтарын сұрыптау арқылы оларға жаңа өмір сыйлауды көздеп отырмыз. Қорқыт ата университеті бұл жобаға белсене қатысып жатыр.Егер жоба жеңімпазы анықталса, жеңген университетке пластикті қайта өңдеу аппараты беріледі,” – деді Шынар Шоқпанова.

Бұл жоба экологиялық мәдениетті арттырып қана қоймай, университеттерді жасыл экономикаға қолдау көрсетуге ынталандыруды мақсат етеді. Сенбілік шарасы экологиялық жауапкершілік пен табиғатты қорғаудың маңыздылығын тағы бір мәрте еске салды.