• 16 қазан 2024
• 369

Студенттер мен магистранттарға арналған  академиялық ұтқырлық бағдарламасы  бойынша конкурс туралы 

Қорқыт Ата атындағы Қызылорда университетінің халықаралық байланыстар бөлімі серіктес Лодзь университетінде (Польша) ағылшын тілінде оқуға 2025 жылғы көктемгі семестріне арналған академиялық ұтқырлық бағдарламасы бойынша конкурсқа құжаттар қабылдайды. Конкурсқа  бакалавриат және магистратура білім алушылары (бітіруші курстардан басқа) келесі білім беру бағдарламалары бойынша қатыса алады: Заң және әкімшілік факультеті, Экономика және әлеуметтану факультеті, Биология және қоршаған ортаны қорғау факультеті, География ғылымдары факультеті, Халықаралық және саяси зерттеулер факультеті, Философия және тарих факультеті, Менеджмент факультеті, Математика және информатика факультеті, Физика және қолданбалы информатика факультеті, Химия факультеті, Педагогикалық ғылымдар факультеті, Филология факультеті (шетел тілдері, мәдениеттану және медиатану, журналистика).

Конкурстан өткен жағдайда Лодзь университетінде 2025 жылдың ақпан-маусым аралығында оқу тегін, ал бару-қайту жолақысы, медициналық сақтандыру полисі, визалық шығындары және жатақханада тұру ақысы білім алушылардың есебінен болады.

Өтініш беруші келесі құжаттарды тапсыруы қажет: 
1) Білім алушының толық деректерімен университет басшысының атына конкурсқа қатысу туралы өтініш (институт, мамандық, топ, төлқұжат деректері, тұрғылықты мекенжайы, э-пошта); 
2) Үлгерімі туралы транскрипт (электронды түрде) (GPA 3.0 баллдан төмен болмау керек); 
3) Шетел тілін (ағылшын тілі) меңгеру деңгейін растайтын құжат: бар болған жағдайда шетел тілін білуді бағалаудың халықаралық жүйелері арқылы алынған сертификат (IELTS/TOEFL); 
4) IELTS/TOEFL сертификаттары болмаған өтініш берушілер ағылшын тілі бойынша институционалды тестті 21 қазан күні сағат 16:00-де бас оқу ғимаратының мәжіліс залында тапсырады.

Құжаттар халықаралық байланыстар бөлімінде қабылданады. 
Мекен-жайымыз: Қызылорда қ-сы, Әйтеке Би көшесі 29-А, бас оқу ғимараты, 2-қабат, 224-ші кабинет, телефон: 26-29-57

Қорқыт Ата атындағы ҚУ-дың  халықаралық байланыстар бөлімі.