• 18 қазан 2024
• 157

ЮНЕСКО-ның комиссия мүшесі «Қорқыттану» ғылыми-зерттеу орталығының жұмысымен танысты

ЮНЕСКО-ның материалдық емес мәдени мұраны қорғау жөніндегі Ұлттық комиссияның мүшесі, педагогика ғылымдарының кандидаты, профессор Жанерке Шайғозова «Қорқыттану» ғылыми-зерттеу орталығының жұмысымен танысты. 

Жұмыс сапарының мақсаты - 2018 жылы Қазақстандағы ЮНЕСКО-ның материалдық емес мәдени мұрасына кірген  Қорқыт ата мұрасы: эпостық мәдениет, халық ертегілері мен музыкасына зерттеу жүргізу. 
Сонымен қатар, Қорқыт ата атындағы Қызылорда университетінің аға оқытушысы, PhD докторы Ыслам Құрманиязұлы «Археология және этнография ғылыми зерттеу» орталығының көрме залымен таныстырып, археология бағыты бойынша ғалымдардың археологиялық зерттеу жұмыстарына жеке-жеке тоқталып өтті.

Жұмыс сапары барысында «Шоқайтану» ғылыми орталығының жетекшісі, тарих ғылымдарының кандидаты, доцент Тайман Сағат Тамшыбайұлы Мұстафа Шоқай мұралары бойынша ғылыми жобаларды таныстырып, тың ақпараттармен бөлісті.

«Қорқыттану» ғылыми орталығын филология ғылымдарының докторы, профессор Кәрібозұлы Бағдат басшылық етуде. Орталықтың ғылыми қызметкері, филология ғылымдарының магистрі Ботабаева Жанат Тұңғышбайқызы Қорқыттану ғылыми орталығының жұмысы туралы ақпаратпен бөлісті. Орталықтың негізгі мақсаты білімалушылардың, жас ғалымдар мен профессор-оқытушылар құрамының ғылыми-әдістемелік және шығармашылық жұмыстарын жан-жақты дамыту, сонымен қатар аймақтағы тарихи, әдеби, рухани мұраларға кешенді зерттеу жүргізу әрі ғылыми талдау жасауды ұйымдастыру, Сыр өңірінің (Қызылорда облысының) тарихын кешенді түрде зерттеу арқылы оның Еуразия тарихы мен мәдениетіндегі алатын орнын анықтау мақсатында жұмыстар жасалуда.