• 21 қазан 2024
• 401

Университет студенттері республикалық пәндік олимпиаданың жеңімпазы атанды

Қорқыт ата атындағы Қызылорда университетінің білім алушылары С.Аманжолов атындағы ШҚУ университетінде 6В01202–Мектепке дейінгі оқыту және тәрбиелеу  бағыты бойынша «Мектепке дейінгі білім беру тәжірибесіндегі жаңа талаптар мен жетістіктер» атты ХVI республикалық пәндік олимпиадасында жеңіс тұғырынан көрінді.
Сайысқа Қорқыт ата атындағы Қызылорда университетінің студенттері Сауле Нурымбетова, Ұлдана Орынбасарова, Жансая Ұланқызы, Дильназ Еркінқызы қатысты. Команданың ғылыми жетекшісі - магистр, аға оқытушы Гүлнұр Нақыпова. 

Олимпиадаға күндізігі оқу бөлімінің 2-3 курс білім алушылары қатысып, төрт кезең бойынша жалпы 13 команда, 52 студент білім додасында бақ сынады.
Айт кетейік, 2025 жылы аталған білім беру бағдарламасы бойынша Қорқыт ата атындағы Қызылорда университеті пәндік олимпиаданы өткізу мәртебесіне ие болды.