• 24 қазан 2024
• 201

«Сыр өңірінің рухани құндылықтары» фотоальбомының тұсаукесері өтті

Қорқыт ата атындағы Қызылорда университетінде 2022-2024 жылдарға арналған гранттық қаржыландыру негізінде жүзеге асырылған АР14870690 «Сыр өңірінің киелі орындары мен ислам құндылықтарының әдеби-танымдық ерекшеліктері» жобасы аясында «Сыр өңірінің рухани құндылықтары» атауымен үш тілде жарық көрген фотоальбомының тұсаукесері өтті. 

Жиынға Гуманитарлық-педагогикалық институтының профессор-оқытушылары, білім алушылар және фотоальбомды құрастырушы археолог Асхат Сайлау қатысты.

Туындыда Сыр өңіріндегі кесенелер, тарихи орындар және құнды жәдігерлердің фотосы мен атаулары, олардың QR картасы қоса берілген.

Суреттер өлке тарихын, рухани құндылықтарды танытады. Фотоальбом Сыр өңірінің тарихына, мәдениетіне қызығушылық танытқан тұлғаларға, этнография, туризм, мәдениеттану, т.б. саласының мамандарына, өлкетанушыларға, өлкені танып-білемін деген жалпы көпшілік оқырманға арналған.