• 05 қараша 2024
• 327

Қыздар футзал командасы республикалық лиганың жүлдегері атанды

Қорқыт ата атындағы Қызылорда университетінің қыздар футзал командасы республикалық лигада қола жүлде иеленді. “Қорқыт ата атындағы Қызылорда университеті спорт саласында жоғары деңгейдегі жетістіктерге ұмтылып, жастарды спортқа тарту бағытында белсенді жұмыс істеп келеді. Университет тарихында қыздар алғаш рет футзал командасын құрып, үлкен жарысқа қатысты. Жарыс барысында қыздар мықты ойын көрсетіп, Студенттік спорт лигасының жүлдегерлер қатарынан көрінді. Бұл жетістік оқу орнынының спорттағы табыстарын және студенттердің әлеуетін тағы да айшықтап көрсетті”,-деді жаттықтырушы Абылайхан Сейілбеков. Бұдан бөлек, жарыстың марапаттау рәсіміне футзалдан Қазақстан ұлттық құрамасының бас бапкері Рикардо Кака арнайы келіп, Қорқыт ата атындағы Қызылорда университетінің жаттықтырушысы Абылайхан Сейілбековті «Үздік бас бапкер» номинациясымен марапаттады. Айта кетейік, 28 қазан - 4 қараша аралығында Астана қаласындағы Назарбаев университетінің спорт кешенінде Студенттік спорт лигасының финалдық кезеңі өтті. Бұл маңызды жарысқа Қазақстанның әр өңірінен келген 33 университеттің 700-ге жуық студент-спортшылары қатысып, волейбол (ерлер мен қыздар) және футзал (ерлер мен қыздар) спорт түрлері бойынша өзара бақ сынасты.