• 06 қараша 2024
• 532

Ұлағаты ұрпаққа үлгі тұлға

Атырау қаласында өткен «Олимпиада чемпионы Әлжан Жармұхамедовтің жастарды тәрбиелеудегі мұрагерлік орны» атты ғылыми семинарына Қорқыт ата атындағы Қызылорда университетінің ұжымы онлайн қатысты. 

Іс-шарада Қорқыт ата университетінің басқарма мүшесі – Ғылыми жұмыстар және халықаралық байланыстар жөніндегі проректор Майнұр Бөрібаева, университеттің профессор-оқытушылары жастарды тәрбиелеу, патриотизмді арттыру және ұлттық құндылықтарды дамыту бағытындағы маңызды пікірлерін ортаға салды.

Семинарда техника ғылымдарының докторы, профессор Серікбай Қошқаров жастарды білім мен спорт арқылы тәрбиелеудің өзектілігін атап өтті. Ол Жармұхамедовтің ғұмырдариясы өскелең ұрпақ үшін үлгі екендігін, әрі университетте осындай тұлғаларды насихаттаудың маңызын тілге тиек етті. Ғалым өз баяндамасында Әлжан Жармұхамедовтің спорттағы жетістіктері мен оның рухани мұрасы жайлы айтты. 

Ұрпаққа үлгі тұлғалардың өмірлік жолын дәріптеу - саналы жас ұрпақты тәрбиелеудің басым бағыттарының бірі.