• 12 қараша 2024
• 331

Кеулімжай Шалтақбайұлына  құрмет көрсетілді

Республика күні қарсаңында Қызылорда облысының әкімі Нұрлыбек Нәлібаев Қорқыт ата атындағы Қызылорда университетінің «Дәстүрлі музыка өнері және хореография» білім беру бағдарламасының профессоры Кеулімжай Ботабаевты «Қазақстанның еңбек сіңірген қайраткері» атағымен марапаттады. Бүгін осы айтулы марапатқа орай университет ректоры Бейбіткүл Каримова профессордың өнер мен мәдениет саласына қосқан үлесіне құрмет көрсетті.

Жиында университеттің бірқатар қызметкерлері де елеулі марапаттарға ие болды. Әлеуметтік және тәрбие жұмыстары жөніндегі проректоры Жандос Базартай республикалық референдумды ұйымдастыру мен өткізуге белсенді қатысқаны үшін Президенттің алғыс хатымен марапатталды.

Сонымен қатар, Қазақстан ғылымын дамытуға қосқан зор еңбегі үшін экономика және қаржы департаментінің директоры, экономика ғылымдарының кандидаты, академиялық доцент Нұрлан Уразбаев «Ғылымды дамытуға сіңірген еңбегі үшін» төсбелгісін иеленді.

Білім мен ғылымға қосқан елеулі үлесі үшін «Дәстүрлі  музыка өнері және хореография» білім беру бағдарламасының аға оқытушысы, педагогика ғылымдарының магистрі Руслан Ахметов Қазақстан Республикасы Ғылым және жоғары білім министрлігінің алғыс хаты табысталды. Ол «Дидар» халықтық фольклорлық - этнографиялық ансамблінің әншісі. Көптеген халықаралық, республикалық және облыстық конкурстардың лауреаты, «ҚР Мәдениет қайраткері» және «Ерен еңбегі үшін» медалінің иегері.

Бұл марапаттар университеттің ғылым, мәдениет және өнер саласындағы қажырлы еңбектері мен жетістіктерінің лайықты бағасы ретінде берілді.