• 26 қараша 2024
• 194

Ғылым мен білімге жол ашқан ашық есік күні

Қорқыт ата атындағы Қызылорда университетінің «Археология және этнография», «Қорқыттану» және «Шоқайтану» ғылыми орталықтарында ашық есік күні өтті. Іс-шараға  оқушылар мен мектеп мұғалімдері қатысты. Болашақ студенттер университеттің ғылыми-зерттеу жұмыстары және білім беру мүмкіндіктерімен танысты.

Ашық есік күні аясында оқушылармен оқу орнының Ғылыми жұмыстар және халықаралық байланыстар жөніндегі проректоры Майнұр Бөрібаева кездесіп, университеттің ғылыми әлеуеті, білім беру сапасы және студенттерге арналған мүмкіндіктер туралы мазмұнды ақпарат берді.

Бұдан бөлек, талапкерлер мен мұғалімдерге университет өкілдері академиялық және мансаптық бағытта кеңес беріп, сауалдарына егжей-тегжейлі жауап берді.

Айта кетейік, іс-шараны Қызылорда облысының білім басқармасының «Дарын» облыстық қосымша білім беру орталығымен отандық ғылым мен технологиялардың жетістіктерін дәріптеу жөніндегі кешенді жоспар аясында бірлесіп ұйымдастырды.