• 02 желтоқсан 2024
• 148

Жауқазын Қазбекқызының Кореядағы білім тәжірибесі

Шетелде оқу және жаңа мәдениетке бейімделу жеке тұлғалық дамудың жаңа қырларын ашады. Кезекті кейіпкеріміз Кореяның Каннам Университетінде білімін шыңдап жүрген -  Жауқазын Қазбекқызы.

“Мен басқа мәдениетке бейімделу арқылы ашықтық пен шыдамдылықты үйрендім. Әртүрлі көзқарастар мен өмір салттарына құрмет көрсетудің маңыздылығын түсіндім”, — дейді.

Кореядағы студенттік өмір жайлы айта келе, Жауқазын: “Бұл орта білімге деген жоғары бәсекелестікпен ерекшеленеді, бірақ студенттердің бір-біріне көмектесу және қолдау көрсету мәдениеті бар. Сабақтан бос уақытта қалаларды зерттеп, достарыммен қызықты іс-шараларға қатысамын”, — деді.

Жауқазын Кореядағы оқу тәжірибесінің болашақ мансабына үлкен әсер ететініне сенімді. Оның ойынша, бұл тәжірибе кәсіби аудармашы, халықаралық білім саласындағы маман болуға жол ашады. “Менің мақсатым — алған білімімді Қазақстанның білім беру жүйесін дамытуға және тілдерді оқыту саласында инновациялар енгізуге бағыттау”, — дейді.