• 04 желтоқсан 2024
• 533

Гүлдерайым Шөмекеева: Кореяда оқу – жаңа әлемнің есігін ашу

Шетелде білім алу – көптеген студенттердің арманы. Қорқыт ата атындағы Қызылорда университетінің студенті Гүлдерайым Шөмекееваның айтуынша, бұл арман оның өмірінде үлкен өзгерістер енгізген.

“Кореялықтардың еңбекқорлығы мен білімге деген ұмтылысы мені шабыттандырды”, – дейді Гүлдерайым.

Кореяның білім беру жүйесі инновация мен зерттеулерге негізделген. Университеттер әлемдік деңгейдегі зертханалар мен ресурстармен жабдықталған. “Менің оқитын бағдарламам өте жан-жақты және заманауи. Түрлі пәндер, зерттеу жобалары мен семинарлар студенттерге терең білім алуға мүмкіндік береді”, – дейді Гүлдерайым.

Гүлдерайымның айтуынша, шетелде оқуға ниетті студенттер қиындықтардан қорықпай, әр нәрсеге ашық болуы керек. “Тіл үйренуге, жаңа достар табуға және мәдениеттерді зерттеуге тырысыңыз. Ең бастысы – мойымау және жаңа тәжірибелерден қорықпау”, – дейді.

Гүлдерайым Шөмекеева үшін Кореяда оқу – бір жылғы ғана сапар емес, ол тұлғалық, кәсіби және мәдени даму жолындағы ерекше тәжірибе.