• 04 желтоқсан 2024
• 570

"Қорқыт із кесушілері" жүлдегер атанды

Қорқыт ата атындағы Қызылорда университетінің студенттері Әл-Фараби атындағы Қазақ ұлттық университетінің заң факультетінде ұйымдастырылған “КримЭкс-2024”  кәсіби шеберлік байқауында жүлделі I орын иеленді.

Байқау Тұрақты даму мақсаттары (ТДМ) шеңберінде, атап айтқанда ТДМ №4 “Сапалы білім беру” және ТДМ №16 “Бейбітшілік, әділеттілік және тиімді институттар” мақсаттарына сәйкес өтті. Оған 9 команда қатысып, қатысушылар қылмыстық құқық, іс жүргізу және криминалистика саласындағы білімдерін бес кезең бойынша сынады.

Қорқыт ата атындағы Қызылорда университетінің “Қорқыт із кесушілері” командасы үздік өнер көрсетіп, “Құқықтану” білім беру бағдарламасының 3-курс студенттері байқауда II орын иеленді. Сонымен қатар, олар байқау аясында өткізілген “КримЭкс” онлайн дауыс беруінде I орынға ие болды.

Бұл жеңіс  университет студенттерінің жоғары кәсіби даярлығы мен заң саласындағы терең білімдерін көрсетіп қана қоймай, олардың халықаралық деңгейде бәсекеге қабілетті екенін дәлелдейді.