• 06 желтоқсан 2024
• 465

Халықаралық ғылыми-әдістемелік семинар өтті

Қорқыт ата атындағы Қызылорда университетінде «Цифрлық білім беру ресурстары кросс-мәдени құзыреттілікті қалыптастыру процесіне интеграциясы: қауіптер мен мүмкіндіктер» тақырыбында халықаралық ғылыми-әдістемелік семинар өтті.

Кездесуде Академиялық мәселелер бойынша басқарма мүшесі – проректор Дана  Абдрашева цифрлық білім беру ресурстарына тоқталып, сәттілік тіледі.

Халықаралық семинар екі кезеңді қамтыды. Алдымен жиынға қатысушылар цифрлық білім бағытындағы өзекті тақырыптар бойынша баяндама жасады.  Атап айтсақ, Түркияның Конья қаласындағы Сельджук университетінің “Орыс тілі мен әдебиеті” кафедрасының оқытушысы Зейне  Оразбекова, РУДН Ресейдің халықтар достығы университетінің “Орыс тілі және әдебиеті” институтының доценті  Светлана Красильникова, Токио қаласындағы Сока университетінің филология факультетінің оқытушысы Виктория Омельяненко, Қырғызстандағы Қырғыз-Ресей Славян университетінің Орыс тілі институты, қазақ-орыс тілі орталығының жетекшісі Айгерим Эрнисова, Қорқыт ата атындағы Қызылорда университетінің “Орыс тілі мен әдебиеті”  білім беру бағдарламасының жетекшісі Сауле Жарбулова, “Орыс тілі мен әдебиеті” білім беру бағдарламасының доценті Жаннат Майгельдиева тәжірибелерімен бөлісті.

Екінші кезеңде қатысушыларға «Студенттер және оқушылар үшін кросс-мәдени жазушылықты дамыту әдістемелері және жолдары» тақырыбында шеберлік  сағаты ұйымдастырылды.

Шара соңында  отандық және шетелдік ғалымдар өзара пікір алмасып, білім саласын дамытуға қатысты пікірлері мен ұсыныстары тыңдалды.