• 06 желтоқсан 2024
• 486

Жастар арасындағы нашақорлық мәселесі және оның алдын алу

Қорқыт ата атындағы Қызылорда университетінде нашақорлықтың денсаулыққа және қоғамға тигізетін зияны туралы дөңгелек үстел өтті.

Жиын «Нашақорлықтың әлеуметтік-экономикалық салдары: алдын алу және ақпараттандыру» тақырыбы бойынша ғылыми-зерттеу жұмысы шеңберінде ұйымдастырылды. 

Кездесуде Ғылыми жұмыстар және халықаралық байланыстар жөніндегі проректор Майнұр Бөрібаева оқу орнында нашақорлықтың алдын алу мақсатында атқарылып жатқан ғылыми жұмыстарға тоқталды. 

Құқық қорғау саласының өкілі Даурен Шарипбаев аймақтағы есірткі қылмысы бойынша жалпы статистикаға тоқталды.  

“Өңірімізде 973 жазасын өтеп жүрген сотталғандар болса, есірткі қылмысы бойынша отырғандар саны - 219 адамды құрайды. Онын ішінде 13-і синтетикалық есірткі бойынша. Ол дегеніміз сотталушылардың 22,5% құрайды”,-деді.

Жиынға ҚР Адам құқықтары жөніндегі Уәкілдің Қызылорда облысы бойынша өкілі Даурен Шарипбаев, Қызылорда облысы Полиция департаменті Есірткі қылмысына қарсы іс-қимыл басқармасының аға жедел өкілі, полиция майоры Ерлан Жанжігітов, Дін мәселелерін зерттеу орталығының аға мамандары, Олжас Нарымбектов пен Нұрдаулет Бауыржан, Қызылорда облыстық психикалық денсаулық орталығының маманы Кенжегуль Байдусенова, «АнгарСпецСтрой» ЖШС директоры Омаров Берік, Экономика және құқық институтының директоры Гүлшат Дүзелбаева, Экономика және басқару білім беру бағдарламасының аға оқытушылары Абай Шайнұров пен Жанна Смағұлова қатысты.   

Сала мамандары нашақорлықтың салдары мен оған қарсы күрес жолдарын, қоғамдағы діни өзекті проблемалар, жастар арасында нашақорлықтың алдын алу жолдарын, нашақорлықтың қоғамға әлеуметтік-экономикалық әсерін талқыланды. Сонымен қатар, жастарды зиянды әдеттерден аулақ болып, есірткі пайдаланбауға, заңсыз әрекеттерге бармауға шақырды.