• 22 желтоқсан 2024
• 543

Шетелдік ғалым тәжірибесімен бөлісті

Қорқыт ата атындағы Қызылорда университетінің Басқарма Төрағасы-Ректор Бейбіткүл Каримова польшалық ғалым Лозовичка Бозенамен кездесті.

Шетелдік ғалым 9-19 желтоқсан аралығында университеттің «Физика-химиялық талдау әдістері» инженерлік бейіндегі зертхананың ғалымдарымен тәжірибе алмасты.

Лозовичка Бозена – PhD, Польшаның «Өсімдіктерді қорғау институты» Ұлттық ғылыми-зерттеу институтының аймақтық тәжірибе станциясының директоры. Ғылыми қызығушылықтары: аналитикалық химия, ауыл шаруашылығы, экотоксикология, экология, қоршаған орта, ластану химиясы, тәуекелді бағалау, өсімдіктерді қорғау, токсикология, ксенобиотиктер.

Шетелдік ғалым - «Польша Республикасы Президентіне сіңірген еңбегі үшін», «Үздік ғалым, 2019» (Польша) алтын және күміс белгісімен марапатталған. Сонымен қатар Еуропалық азық-түлік қауіпсіздігі органының сарапшысы, Польша агрономиялық қоғамының вице-президенті, ауыл шаруашылығы инженерлері мен техниктері қауымдастығының және Польша өсімдіктерді қорғау қоғамының мүшесі. «Өсімдіктерді қорғаудағы прогресс» журналының бас редакторы. H-27 (Scopus).

Кездесу барысында іссапар аясында жүзеге асырылған жұмыстар мен алдағы жоспарлар талқыланды. Лозовичка Бозена ғылыми іссапар барысында оқу орнының ғалымдарымен бірлесіп зерттеу жұмыстарын талқылап, жаңа ізденістерге жол ашқанын айтты.

Айта кетейік, қыркүйек айынан бері «Физика-химиялық талдау әдістері» инженерлік бейіндегі зертханасына 14 шетелдік ғалым келіп, өз тәжіриелерімен бөлісті. Бұл ғылым саласындағы халықаралық байланысты өркендетуге, ғылым көкжиегін кеңейтуге бағытталған даңғыл жол болмақ.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru