• 25 желтоқсан 2024
• 316

Білікті психологтар өз тәжірибесімен бөлісті

Қорқыт ата атындағы  Қызылорда университетінде  «Психологтар күніне» арналған «Ғажайып әлем» атты дөңгелек үстел өткізді.
Дөңгелек үстелдің мақсаты — психологиялық қолдау саласындағы жаңа трендтер мен ғылыми жетістіктерді талқылау, әрі білім алушы студенттердің білімін жетілдіру болды.
Шара барысында психология саласындағы қазіргі мәселелер, жаңа әдіс-тәсілдер мен ғылыми жетістіктер талқыланды. Қатысушылар өз тәжірибелерімен бөлісіп, психологиялық қолдау көрсету мен білім беру процесіндегі ынтымақтастықтың маңыздылығын атап өтті. 

Жиынға Алматы қаласындағы «Салауатты өмір» бағдарламасының тренері, отбасылық кеңесшісі Гүлмира Ильясова, Phd doctor Philosophy,тәжірибелі психолог, Еуропалық гештальт терапия қауымдастығының (EAGT) аккредитациялық талаптарына сәйкес сертификатталған Гештальт терапевт, «INSAN» практикалық психологиялық орталығының жетекшісі Салтанат Асанова және ҚР Президентінің жанындағы Мемлекеттік басқару академиясының Қызылорда облысы бойынша филиалының доценті, психолог Алмагүл Аяғанова, Қорқыт ата атындағы Қызылорда университетінің Педагогика,психология және бастауышты оқыту әдістемесі БББ-ның аға оқытушысы Шолпан Иманғалиева, Педагогика және психология мамандығының студенттері мен оқытушылары қатысты.

Дөңгелек үстел университеттің «Педагогика, психология және бастауышты оқыту әдістемесі» білім беру бағдарламасы мен Психологиялық қолдау орталығының ұйымдастыруымен өтті.
Іс-шара барысында психологиялық көмек көрсету жүйесін дамытуға бағытталған ұсыныстар мен идеялар талқыланды. Бұл өз кезегінде педагогика мен психология саласындағы кәсіби дамуға үлес қосады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru