• 27 желтоқсан 2024
• 383

«Korkyt Pride - 2024» қорытынды кеші өтті

Қорқыт ата атындағы Қызылорда университетінде «Korkyt Pride-2024» кеші өтті. Шара барысында жыл бойы белсенділігімен көзге түскен студенттер мен ұйымдар марапатталып, олардың жетістіктері жоғары бағаланды.

Кештің ерекшелігі – студенттермен бірге олардың ата-аналарына да құрмет көрсетіліп, арнайы марапаттар табысталды.

Іс-шара шығармашылық бағдарлама аясында жалғасты. Ән мен би, әсерлі қойылымдар кештің сәнін келтіріп, көрермендердің ерекше ықыласына бөленді.

Кеш барысында жыл бойы үздік нәтиже көрсеткен жатақхана, институт, студенттік кеңес төрағасы, студенттік ұйым және ұйым төрағасы анықталып, марапатталды.

Сонымен қатар, студенттерге бірнеше ерекше номинациялар бойынша марапаттар табысталды: Жыл жаңалығы – «Жауқазын» студенттік театры, Жыл жетістігі бойынша – Студенттік оркестр, Жыл серпіні – Жасанды интеллект жобасы, Үздік форум – «Ақиқат» ұйымы, ал Жыл жүргізушілері номинациясында үздік жүргізушілер марапатталды.

«Korkyt Pride-2024» кеші Қорқыт ата университетінің жастары мен ата-аналары үшін ерекше маңызға ие шара болды. Шығармашылық пен ұйымшылдық, белсенділік пен шабыттың көрінісі болған бұл кеш студенттердің дамуына серпін беріп, олардың жетістіктерін дәріптеуге мүмкіндік сыйлады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru