• 05 қаңтар 2025
• 182

«Сергектік және денсаулық-2025» дәстүрлі спартакиадасы басталды

Қорқыт ата атындағы Қызылорда университетінің оқытушы-профессорлары мен қызметкерлері арасында «Сергектік және денсаулық-2025» атты дәстүрлі спартакиадасы басталды. Жарыстың алғашқы күні спорттың үстел теннисі мен тоғызқұмалақ түрлеріне арналды.

Салауатты өмір салтын қалыптастыруға арналған жарыста университет ұжымы екі спорт түрінен шеберліктерін сынға салды. Нәтижесінде үстел теннисінен 1-орынды Гуманитарлық-педагогигалық институты жеңіп алды. Ал 2-орынға Экономика және құқық институты ие болса, үздік үштікті Ректорат командасы қорытындылады.Спорт жарысы тартысты тоғызқұмалақ ойынымен жалғасты. Бұл кезеңде 1-орын Экономика және құқық институтына,  2-орын Педагогика және дәстүрлі өнер институтына, 3-орын Жаратылыстану институтына бұйырды. 

Айта кетейік, тартысты додада 6 команда спорттың 9 түрі бойынша ерлер және әйелдер арасында бақ сынап, өнер көрсетеді. Спорт сайысы 10 қаңтар күні қорытындыланып, жүлдегерлер марапатталады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru