• 06 қаңтар 2025
• 259

Университетішілік спартакиада жалғасуда

Оқу орнының профессор-оқытушылары мен қызметкерлері арасындағы спартакиада ойындары жалғасын тапты. Спорт сайысының мақсаты - ұжымның бірлігін, достығын одан әрі берік етіп, салауатты өмір салтын насихаттау.

Қатысушылар спартакиаданың екінші күнінде спорттың жүзу және футзал түрлерінен бақ сынады.

Нәтижесінде жүзу сайысында І орынды Жаратылыстану институты жеңіп алса, ІІ орынды Ректорат қызметкерлері иеленді. Ал ІІІ орынға Педагогика және дәстүрлі өнер институты лайық деп танылды.

Футзалдан тартысты өткен жарыста І орын Ректорат командасына, ІІ орын Жаратылыстану институтына, ІІІ орын Гуманитарлық-педагогикалық институтына берілді.

Айта кетейік, тартысты додада 6 команда спорттың 9 түрі бойынша ерлер және әйелдер арасында бақ сынап, өнер көрсетеді. Спорт сайысы 10 қаңтар күні қорытындыланып, жүлдегерлер марапаталады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru