• 06 ақпан 2025
• 367

Халықаралық ынтымақтастық:  Қарақалпақ мемлекеттік университетімен келісім-шарт жасалды

Қорқыт ата атындағы Қызылорда университетінің Ғылыми жұмыстар және халықаралық байланыстар жөніндегі проректоры Майнұр Бөрібаева Бердах атындағы Қарақалпақ мемлекеттік университетінің ғалымы, заң ғылымдарының докторы Аманлык Гулимов кездесті. Кездесу барысында тараптар екі университет арасындағы ғылыми және білім беру саласындағы ынтымақтастықты нығайту мәселелерін талқылады.

Аманлык Гулимов өз кезегінде Қарақалпақ мемлекеттік университетінің тәжірибесі мен жетістіктері туралы айтып, екі оқу орны арасындағы ынтымақтастықты одан әрі дамытуға дайын екенін білдірді. Кездесу нәтижесінде тараптар бірлескен ғылыми жобалар мен зерттеулер жүргізу, студенттер мен оқытушылардың тәжірибе алмасу бағдарламаларын ұйымдастыру, сондай-ақ халықаралық конференциялар мен семинарлар өткізу бойынша нақты қадамдар жасауға келісті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru