• 07 ақпан 2025
• 363

Қарақалпақстандық профессор студенттерге дәріс оқыды

Қорқыт ата атындағы Қызылорда университетінің білім алушылары Бердах атындағы Қарақалпақ мемлекеттік университетінің ғалымы, заң ғылымдарының докторы Аманлык Гулимовпен кездесті.

Шетелдік ғалым халықаралық құқық мәселелері, мемлекеттер арасындағы құқықтық ынтымақтастық туралы айтып, Өзбекстан, Қарақалпақстан мен Қазақстанның құқықтық жүйелеріндегі айырмашылықтар мен ұқсастықтар туралы дәріс оқыды. Сонымен қатар халықаралық деңгейде ғылыми байланыстарды нығайту, студенттердің академиялық ұтқырлық бағдарламасымен алмасу мүмкіндіктері туралы да баяндады.

Кездесу студенттер үшін білімдерін тереңдетуге және заңгерлік, халықаралық қатынастар мен әлеуметтік мәселелер бойынша қызығушылықтарын арттыруға септігін тигізді. Дәріс соңында білім алушылар сұрақтарын қойып, профессормен пікір алмасты.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru