• 12 ақпан 2025
• 245

Бексұлтан Орынбасаров «Үздік түлек» медалімен марапатталды

Қорқыт ата атындағы Қызылорда университетінің түлегі, талантты ақын, жыршы Бексұлтан Орынбасаров «Үздік түлек» медалімен марапатталды. Құрметті награданы Басқарма төрағасы-Ректор Бейбіткүл Каримова табыстады.

«Қорқыт ата атындағы Қызылорда университетінің түлегі болғаныма мақтанамын. Айтыс жолындағы алғашқы көрермендерім мен қолдаушыларым университет ұжымы. Сол демеудің арқасында үлкен сахналарды бағындыруға мүмкіндік алдым» ,– деді жас ақын.

Бексұлтан Ақылбекұлы – 2018-2022 жылдар аралығында «Дәстүрлі ән әртісі, оқытушы» білім беру бағдарламасы бойынша білім алған. Қазіргі таңда айтыс сахнасында Сыр елінің намысын қорғап, өнер саласында өз орнын тапқан дарынды өнерпаз. Ол облыстық, республикалық, халықаралық деңгейдегі жыр додаларының жеңімпазы.

Айта кетейік, жақында республикалық жас ақындар айтысының бас жүлдесін иеленіп, «Күміс домбыра» иегері атанды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru