• 14 ақпан 2025
• 293

40 магистрантқа диплом табысталды

Қорқыт ата атындағы Қызылорда университетінде магистратураға қысқы қабылдаудың қорытындысы бойынша диплом табыстау рәсімі өтті.

Жиынға Басқарма төрағасы-Ректор Бейбіткүл Каримова қатысып, «магистр» дәрежесін алған білім алушыларды құттықтады.

“Екі жылдан бері магистратураға қысқы қабылдаудың қорытындысы бойынша диплом табыстау рәсімі өтіп келеді. Соңғы үш жылда оқу орнында магистратура білім беру бағдарламалары бойынша 1100 түлек бітірді. Ал осы түлектеріміздің жұмысқа орналасу көрсеткіштері 90% -дан жоғары көрсеткіште екенін мақтанышпен айтамыз”,-деді университет басшысы.

Қазіргі таңда университетте магистратура деңгейі бойынша 8 бағытта 44 білім беру бағдарламалары негізінде оқу үдерісі жүргізіледі. Биылғы оқу жылында университетте жалпы 521 магистрант білім алуда.

Айта кетейік, былтыр 12 магистрантқа «магистр» дәрежесі берілсе, биыл бітіруші түлектердің саны 40 магистрді құрады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru