• 13 ақпан 2025
• 405

Мерейлі 60 жас: Райкүл Кенесбайқызы «Ахмет Байтұрсынов» атындағы алтын медальмен марапатталды

Қорқыт ата атындағы Қызылорда университетінде филология ғылымдарының кандидаты, қауымдастырылған профессор м.а Райкүл Диуанованың 60 жас мерейтойына арналған Гуманитарлық-педагогикалық институтының салтанатты мәжілісі өтті.

Жиында Академиялық мәселелер бойынша Басқарма мүшесі- проректор Дана Абдрашева ғалымның университет тарихында өз қолтаңбасын қалыптастырған тұлға екенін атап өтті. Мерейтой иесіне білім және ғылым жүйесінің дамуына қосқан айрықша үлесі және білікті мамандарды дайындаудағы еңбегі үшін Қорқыт ата атындағы Қызылорда университетінің «Үздік оқытушысы» және білім мен ғылым саласындағы елеулі еңбегі үшін «Ахмет Байтұрсынов» атындағы алтын медалін табыстады.

Райкүл Кенесбайқызы - қауымдастырылған профессоры, филология ғылымдарының кандидаты. Педогог 1992 жылдан бастап Қорқыт ата атындағы Қызылорда университетінің Гуманитарлық педагогикалық институтының «Шетел тілдері және аударма» білім беру бағдарламасының аға оқытушысы қызметін атқарып келеді.

Басқосуға Гуманитарлық-педагогикалық институтының директоры Сағат Тайман, қалалық Білім Бөлімінің Басшысы Жанат Мылтықбайқызы, Жәлел Қизатов атындағы №23 мектеп-лицейінің ағылшын тілі пәні мұғалімі Салима Сентаева және Жайылма ауылының №195 мектеп-гимназиясының директоры Жанат Калкөзқызы, университеттің профессор-оқытушылары, шәкірттері мен білім алушылары қатысты.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru