• 14 ақпан 2025
• 378

Шын жүректен кітап сыйла

Қорқыт ата атындағы Қызылорда университетінің ғылыми кітапханасында 14 ақпан - халықаралық кітап сыйлау күніне арналған “Шын жүректен кітап сыйла” акциясы өтті.

“Биыл жылдағы дәстүр бойынша кітапхана қызметкерлері кітап сыйлау акциясын ұйымдастырды. Іс-шараның мақсаты - кітап қорын жаңа әдебиеттермен толықтыру және оқырмандар арасындағы байланысты, достық пен сыйластықты нығайту”,-деді  ғылыми кітапхана директоры Гүлмира Сәтбаева.

Акцияға медиаменеджер, “Болашақ” бағдарламасының түлегі Рахат Жақсыбай және университет студенттері қатысып, кітапхана қорына жаңа кітаптарды тарту етті. Қазіргі таңда университеттің жалпы кітапхана қоры 2 миллион данаға жуық. Оның ішінде әртүрлі жанрдағы кітаптар, оқу-әдістемелік құралдар, ғылыми басылымдар  және сирек кездесетін кітаптар бар.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru