• 17 ақпан 2025
• 196

Ректор Педагогика және дәстүрлі өнер институтының студенттерімен кездесті

Қорқыт ата атындағы Қызылорда университетінің Басқарма төрағасы-Ректор Бейбіткүл Каримованың 1-курс студенттерімен кездесуі Педагогика және дәстүрлі өнер институтында жалғасты.

Кездесу барысында ректор университеттің тарихы мен жетістіктеріне тоқталып, оқу орнының қазіргі жағдайы мен болашақ жоспарлары туралы баяндады. Сонымен қатар, студенттерге академиялық және шығармашылық мүмкіндіктер, ғылыми-зерттеу жұмыстарына қатысу, халықаралық бағдарламалар мен жобалар туралы мәліметтер берілді.

Шара соңында университет басшысы 14 ақпан - халықаралық кітап сыйлау күніне орай танымдық сұрақтар қойып, студенттердің ұсыныс-пікірлерін тыңдады. Жиын белсенді жастарға құнды кітаптар мен естелік сыйлықтар табыстаумен қорытындыланды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru