• 20 ақпан 2025
• 84

Террористік шабуылдар туралы студенттерге түсіндірме жұмыстары жүргізілді

Қорқыт ата атындағы Қызылорда университетінде террористік шабуылдар туралы 1-курс студенттерімен кездесу ұйымдастырылды.

Жиында оқу орнының білім алушыларына «Терроризм деген не және одан қорғалу іс-әрекеттері», «Эвакуация кезіндегі әрекеттер» тақырыбында бейнематериалдар көрсетілді.

Кездесуге университеттің Әлеуметтік және тәрбие жұмыстары жөніндегі проректоры Жандос Базартай, терроризмге қарсы жұмыстар және әскери-жұмылдыру қызметінің басшысы Ғалымжан Жармаханов қатысып, білім алушыларды оқу орнында қауіпсіздік шараларын қатаң сақтауға шақырды.

Шараның мақсаты - жастардың бойында экстремизм мен терроризмге қарсы тұру иммунитетін дамыту, азаматтық қоғамға сай әлеуметтік мінез-құлық дағдыларын қалыптастыру.

Жиында оқу орнындағы қауіпсіздік шараларын қамтамасыз ететін бейнебақылау жүйесі, турникет, хабардар ету жүйесі мен дабыл түймелері туралы ақпарат берілді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru