• 11 ақпан 2025
• 26

Басқарма төрағасы-Ректор Бейбіткүл Каримованың 1-курс студенттерімен кездесуі басталды

Қорқыт ата атындағы Қызылорда университетінің Басқарма төрағасы-Ректор Бейбіткүл Каримова Инженерлі-технологиялық институтының 1 курс студенттерімен кездесті.

Кездесуде университет басшысы оқу орнының тарихы мен жетістіктеріне тоқталып, білім беру жүйесі мен студенттерге бағытталған мүмкіндіктер туралы баяндады.

Жиынның мақсаты – жастарға университеттің миссиясы, оқу үдерісі және қолжетімді мүмкіндіктер туралы толық ақпарат беру, сондай-ақ, жаңа ортаға бейімделуіне қолдау көрсету.

Студенттер өздерін қызықтырған сұрақтарын қойып, нақты жауаптар алды. Жиынның соңында белсенділік танытқан білім алушыларға ынталандыру сыйлықтары табысталды. 

Айта кетейік, Бейбіткүл Сәрсемханқызының 1-курс студенттерімен кездесуі  ақпан айының он тоғызына дейін жалғасады. Бұл  жастардың университет басшылығымен тікелей байланыс орнатуына мүмкіндік бермек.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru