• 27 ақпан 2025
• 35

Студенттерге мұнай мен газ өндірудің жаңа технологиялары туралы тың ақпарат берілді

Қорқыт ата атындағы Қызылорда университетінде «Инжинирингтік технологиялар» білім беру бағдарламасының студенттері үшін «Мұнай және газ өндірудің инновациялық технологиялары» тақырыбында семинар өтті. 

Семинар барысында Ш. Есенов атындағы Каспий технологиялар және инжиниринг университетінің «Мұнай химиялық инжиниринг» кафедрасының қауымдастырылған профессоры Марал Қаражанова мұнай мен газ өндірудің жаңа технологиялары туралы зерттеу нәтижелерін ұсынды. Сондай-ақ, мұнай-газ саласындағы қазіргі тенденциялар мен технологиялық жаңалықтарға қатысты жаңа ақпараттармен бөлісті.

Айта кетейік, семинар студенттерге 24 ақпан мен 1 наурыз аралығында жүргізілді. Марал Қаражанованың баяндамасы тыңдаушыларға жаңа ғылыми жетістіктер мен әдістерді түсінуге көмектесіп, мұнай және газ өнеркәсібіндегі инновацияларды зерттеуге деген қызығушылықтарын арттырды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru