• 19 желтоқсан 2024
• 155

Зиянды әдеттердің алдын алу бойынша түсіндірме жұмыстары жүргізілді

Қорқыт ата атындағы Қызылорда университетінде студенттермен зиянды әдеттердің алдын алу шараларына қатысты кездесу өтті.

Бұл кездесудің мақсаты – жастарға нашақорлықтың зияны мен оның алдын алу шараларына қатысты ақпараттандыру. Сондай-ақ қоғамда дені сау, жауапкершілігі мол ұрпақ тәрбиелеу болды. Қазыбек Мағжан қатысушыларға бұл мәселенің қоғамдағы өзектілігін және әрбір адамның өз болашағына деген жауапкершілігін түсіндірді. 
Сонымен қатар, «Нашақорлық – жанның қатерлі ісігі» тақырыбында дайындалған  бейнеролик көрсетілді.

Кездесуде студенттер өз сұрақтарын қойып, маманнан құнды кеңестер алды. Бұл шара университеттің жастар арасында денсаулықты сақтау және нашақорлыққа қарсы күрес тақырыбында жүргізіп жатқан жұмыстардың бір бөлігі болып табылады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru