• 28 ақпан 2025
• 213

Қырғызстандық студенттер білім алуда

Қорқыт ата атындағы Қызылорда университеті халықаралық ынтымақтастық аясында білім беру мүмкіндіктерін кеңейтіп, шетелдік студенттерге сапалы білім алуға жағдай жасауда. Осы орайда, оқу орнында қырғызстандық студенттер офлайн форматта білім алуда.

Бағдарлама аясында студенттер университет қабырғасында білікті оқытушы-профессорлардың дәрістеріне қатысып, білім алушылармен өзара ғылыми-мәдени бағытта тәжірибе алмасты. 

Сонымен қатар, шетелдік студенттер Қызылорданың көрнекті орындарын аралап, Қорқыт ата мемориалдық кешені мен тарихи-мәдени нысандарға экскурсия жасады. Бұл сапар студенттердің жаңа ортаға бейімделуіне ғана емес, қазақ халқының бай мұрасымен, салт-дәстүрімен жақыннан танысуға ықпал етті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru