• 28 ақпан 2025
• 747

Тұрақты даму мақсаттары: Білім беру мен зерттеу

Қорқыт Ата атындағы Қызылорда университетінде "Білім беру және зерттеу арқылы тұрақты даму мақсаттарын ілгерілету" тақырыбында дөңгелек үстел өткізілді

Қорқыт Ата атындағы Қызылорда университетінде "Кәсіби әлеуметтік қызметкерлердің ұлттық Альянсы" Республикалық қоғамдық бірлестігімен бірлесіп "Білім беру және зерттеу арқылы тұрақты даму мақсаттарын ілгерілету" тақырыбында дөңгелек үстел өтті. Іс-шара "Әлемді өзгерту: 2030 жылға дейінгі кезеңге арналған тұрақты даму саласындағы күн тәртібі" бағдарламасының 17 мақсатын іске асыруға арналды.

Дөңгелек үстелдің мақсаты – серіктестермен өзара әрекеттесу арқылы аймақтағы білім беру, ғылыми-зерттеу және әлеуметтік-экономикалық процестерге тұрақты даму мақсаттарын интеграциялау аясындағы идеяларды талқылау алаңын құру.

Қорқыт Ата атындағы Қызылорда университеті ТДМ-ға басымдық береді, бұл Университеттің даму бағдарламасында, стратегиялық жоспарында және тұрақты даму саясатында көрініс тапқан. Университет оқытушылары, студенттері және түлектерінің қатысуы арқылы ТДМ-ға қол жеткізуге және QS, Green Metric, Times Higher Education әлемдік рейтингтерінде жоғары позициялардан көрінуге күш салады.

Басқарма төрағасы - ректор Б. С. Кәрімованың атынан М. М. Томанов құттықтау сөз сөйледі, атап айтқанда Ректор білім берудің тұрақты дамудағы рөлін атап өтті, сондай-ақ сапалы білім теңсіздікті төмендетуге және бейбіт қоғамды қалыптастыруға ықпал ететініне ерекше назар аударды.

Құттықтау сөздерін ҚР Сыртқы істер министрлігінің Ерекше тапсырмалар жөніндегі елшісі Алуа Ахметжанқызы Надирқұлова, ҚР Еңбек және халықты әлеуметтік қорғау министрінің кеңесшісі Захира Оңғарбайқызы Бегалиева және БҰҰ Азық-түлік және ауыл шаруашылығы ұйымының (ФАО) Қазақстандағы ФАО бағдарламасының үйлестірушісі Жаныл Тоқанқызы Бозаева сөйледі.

Дөңгелек үстелде келесі спикерлердің баяндамалары тыңдалды:
- ҚР ҰЭМ Экономикалық зерттеулер институтының Тұрақты даму мақсаттары хатшылығының жетекші сарапшысы Нұржанова  Мадина Ботақызы:  ТДМ-ын жүзеге асырудың практикалық мәселелері»;
- Қазақстандағы БҰҰ Балалар қорының (ЮНИСЕФ) климаттың өзгеруі жөніндегі бағдарламалардың үйлестірушісі Стативкина Анна Вячеславовна: «Қазақстан Республикасының ТДМ іске асыру аясында баланың таза, салауатты және орнықты қоршаған ортаға құқығы»;
- Г.В.Плеханов атындағы Ресей экономикалық университетінің мемлекеттік және муниципалды қаржы кафедрасының доценті, тұрғындардың қаржылық сауаттылығы Федералдық әдістемелік орталығының жетекші маманы Степанова Диана Игоревна: «Білім беру саласындағы әлеуметтік жұмыс: егде жастағы адамдар арасында қаржы мәдениетін ілгерілету»;
- ҚР Индустрия және сауда министрлігінің Сауда саясаты орталығында «QazTrade» АҚ бас директорының орынбасары, халықаралық сарапшы Құлбатыров Нұрлан Найзабекұлы («QazTrade» АҚ): «Азық-түлік қауіпсіздігі: миф пе, әлде шындық па?»
- Кәсіби әлеуметтік қызметкерлер ұлттық альянсы (КӘЖҰА) директорының орынбасары Аубакирова Аягөз Қайыртайқызы: «Қазақстандағы әлеуметтік жұмысты институционализациялау. Қазақстандағы ТДМ-на қол жеткізудегі КӘЖҰА рөлі»;
- Satbayev University ТДМ бойынша жобалық кеңсе басшысының м. а. Жаксалыкова Әлия Қожабекқызы: "Университеттерде тұрақтылық саясатын енгізу";
- КӘЖҰА Алматы облысы бойынша филиалының басшысы Абдыкалыкова Жанар Нұрахметқызы: «Әлеуметтік қызметкер моделі. Әлеуметтік жұмыстағы мансап, өмір бойы білім беру үлгісі және Қазақстан контексі»;
- Seifullin University Ғылым және инновациялар департаментінің директоры Булхайрова Жанна Серікқызы және Қорқыт Ата атындағы Қызылорда университетінің «Экономика және басқару» кафедрасының доценті Темирова Ақмарал Болатқызы: «Қазақстан Республикасындағы жасыл экономиканың қазіргі жағдайы»;
- Қызылорда қаласының №1 емханасының әлеуметтік жұмыс жөніндегі маманы, ЮНИСЕФ-тің шебер жаттықтырушысы Молдабаева Меруерт Рүстемқызы: «Денсаулық сақтау саласындағы әлеуметтік жұмыс. Күрделі жағдайларды шешудегі ведомствоаралық өзара іс-қимылдың маңыздылығы»;
- КӘЖҰА Қызылорда облысы бойынша филиалының басшысы Исмағұлова Сандуғаш Жаркенқызы: «Тұрақты даму мақсаттарына жетудегі кәсіби әлеуметтік жұмыстың маңыздылығы мен рөлі. Жаңа кәсіби стандарт»;
- Қорқыт Ата атындағы Қызылорда университетінің «Экономика және басқару» кафедрасының аға оқытушысы Умирзакова Меруерт Әбдуәлиқызы: «Әлеуметтік жұмыстың қоғамдағы рөлі»;
- Қазақстандағы БҰҰ Жастар кеңесінің мүшесі, Enactus Seifullin University капитаны Кулжанова Тахмина Қуанышқызы: «Агроазық-түлік жүйелерін трансформациялау: жастар мен азаматтық қоғамдастықты тарту».

Дөңгелек үстел барысында талқыланған тақырыптар бойынша 
1) тұрақты серіктестікті құру: ТДМ дөңгелек үстеліне қатысушылардың өңірдің тұрақты дамуы саласындағы бастамаларды бірлесіп жоспарлау және іске асыру жөніндегі міндеттемесін күшейтуге; 
2) адами капиталды нығайту: тұрақты даму принциптерін оқу бағдарламалары мен ғылыми жобаларға біріктіру үшін оқытушылар  мен зерттеушілердің кәсіби құзыреттілігін дамытуға;
3) әлеуметтік жұмыс проблемасының маңыздылығын мойындау: ТДМ-на қол жеткізу үшін әлеуметтік жұмыстың маңыздылығы туралы қоғамның хабардарлығын арттыруға қатысты қарар қабылданды.

Дөңгелек үстел модераторы Н.Н.Нұрмұхатетов Қорқыт Ата атындағы Қызылорда университеті ТДМ-ға басымдық беретінін және бұл Университеттің Даму бағдарламасында, Стратегиялық жоспарында және Тұрақты даму саясатында көрініс тапқанын атап өтті. Университет оқытушылары, студенттері және түлектерінің қатысуы арқылы ТДМ-ға қол жеткізуге және QS, Green Metric, Times Higher Education әлемдік рейтингтерінде жоғары позициялардан көрінуге күш салады.

Қорқыт Ата атындағы Қызылорда университетінің Басқарма төрағасы - ректоры Б.С.Каримованың атынан М.М.Томанов алғы сөз сөйлеп, білім берудің тұрақты дамудағы рөлін атап, сапалы білім теңсіздікті азайтуға, бейбіт қоғамның қалыптасуына ықпал ететініне аса назар аударды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru