• 04 наурыз 2025
• 299

Study in Kazakhstan Әзірбайджанда

Қазақстан Республикасының Ғылым және жоғары білім министрлігі Әзірбайжан астанасы Бакуде 4-5 наурыз күндері «Study in Kazakhstan» брендімен көрме ұйымдастыруда.

Іс-шараға Басқарма Төрағасы-ректор Бейбіткүл Кәрімова бастаған Қорқыт ата атындағы Қызылорда университеттінің делегация өкілдері қатысуда. Университет басшысы Әзірбайжан мемлекеттік дене шынықтыру және спорт академиясының ректоры Фуат Гаджиевпен кездесті.

“Біз жаңа форматтағы кадрларды бірлесіп дайындау және спорт менеджменті, жаттықтырушылық қызмет бағыттары бойынша қос дипломдық бағдарлама құру мүмкіндігін талқыладық”, - деді Бейбіткүл Сәрсемханқызы.

Әзірбайжан мемлекеттік дене шынықтыру және спорт академиясы - республикадағы ең көне жоғары оқу орындарының бірі. Бүгінгі таңда академия еуропалық университеттермен бірлесе отырып, спорт журналистикасы, спорт менеджменті, спорттық медицина және оңалту бойынша модульдік магистратура бағдарламаларын ағылшын тілінде оқытады.

Кездесу барысында ынтымақтастық туралы меморандумға қол қойылды: меморандумның нәтижесі жаңа қос дипломдық бағдарлама, студенттерге арналған академиялық ұтқырлық бағдарламасы, профессорлық-оқытушылық құрамның тағылымдамадан өтуі болады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru