• 13 наурыз 2025
• 78

Директорлар кеңесінің отырысы өтті

Қорқыт ата атындағы Қызылорда университетінде директорлар кеңесінің кезекті отырысы өтті. Отырысқа Кеңес төрағасы Ернар Тоқтыбаев, сондай-ақ кеңес мүшелері Азиза Шужеева, Бейбіткүл Каримова, Мағжан Ералиев қатысты. Сонымен қатар, шақырылған қатысушылар қатарында Басқарма мүшелері Жандос Базартай, Дана Абдрашева, Майнура Бурибаева, Махмұт Томанов және комплаенс-офицер Алибек Жаппасбаев болды.

Отырыста 2024 жылға арналған Даму бағдарламасының орындалуы, Тұрақты даму саясатының іске асырылу барысы, университеттің тұрақты басқару үдерісінің 2024 жылдың 4-тоқсандағы жай-күйі және 2022-2025 жылдарға арналған Ішкі аудит қызметінің есебі қаралды. Сонымен қатар, 2023-2029 жылдарға арналған Даму бағдарламасының 2024 жылғы орындалуы жөніндегі Басқарма есебі бекітілді.

Басқарма төрағасы-ректор Бейбіткүл Каримова университеттің стратегиялық бағыттарының жүзеге асырылуы туралы баяндама жасап, білім беру қызметін инновациялық қамтамасыз ету, ғылым мен халықаралық ынтымақтастықты дамыту, цифрландыру және инфрақұрылымды жаңғырту салаларындағы жетістіктерге тоқталды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru