• 28 наурыз 2025
• 243

Заң мен тәртіп: Студенттер арасында ғылыми-теориялық конференция өтті

Қорқыт ата атындағы Қызылорда университетінде «Заң мен тәртіп» қағидатын жастар арасында ақпараттық тұрғыда ілгерілету мақсатында ғылыми-теориялық конференция өтті.

Жиында  Құқықтану білім беру бағдарламасының 3-курс студенттері «Кибергигиена – киберқылмыстық құқықбұзушылықтардың алдын алу факторы ретінде» тақырыбы аясында ой қозғады.

Білім алушылар ақпараттық қауіпсіздікке қатысты өзекті мәселелерді көтеріп, оларды шешу жолдары бойынша өз ұсыныстарын білдірді. Әр қатысушы өз ғылыми жобасын қорғады. Нәтижесінде,  Ернар Сейсентаев үздік деп танылып, І орын иеленді. Ал ІІ орыннан Ахметжан Үнгітбай, Төрехан Абытхан, Жібек Анапия көрінсе, жүлделі ІІІ орынмен Камилия Сариева, Анель Ахметқали, Балнұр Аймырзақызы, Әсем Ілиясова марапатталды.

Конференцияға ҚР Әділет министрлігі Сот сараптама орталығының Қызылорда облысы бойынша сот сараптамалары институтының бас сарапшысы, аға оқытушы Серік Молжанов, облыстық Полиция департаментінің Киберқылмысқа қарсы күрес басқармасының аға жедел уәкілі Сағидулла Сейкамалов, Қызылорда қаласының прокуратурасы, сотқа дейінгі тергеп-тексерудің заңдылығын қадағалау және қылмыстық қудалау бөлімінің прокуроры Берік Сарғалиев, киберқауіпсіздік офицері Дәулетбай Жүсіп, «Құқықтану» білім беру бағдарламасының Криминалистикалық зертханасының меңгерушісі Марат Садыков төрелік етті.

Ғылыми шараның басты мақсаты – қазіргі қоғамда кең етек жайған киберқылмыстардың алдын алу, ақпараттық қауіпсіздікті қамтамасыз ету, жастарды киберқауіптерден сақтандыру және олармен күресу мәселелерін талқылау. Сонымен қатар, студенттердің ғылыми-зерттеу дағдыларын дамыту мен ақпараттық қауіпсіздік мәдениетін қалыптастыруға баса назар аударылды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru