• 31 наурыз 2025
• 345

Студенттер халықаралық байқауда жеңіске жетті

Қорқыт ата атындағы Қызылорда университетінің студенттері 20 наурыз күні Өзбекстан Республикасының Мәдениет министрлігі ұйымдастырған V Халықаралық ұлттық «Навруз тароналари» байқауында жүлделі орындарға ие болды.

Байқау нәтижесі бойынша Диас Марат пен Жасұлан Төлебаев үздік өнер көрсетіп, бірінші орынға лайық деп танылды. Жеңімпаздардың жетекшісі – «Дәстүрлі музыка өнері және хореография» білім беру бағдарламаларының жетекшісі, аға оқытушы, педагогика ғылымдарының магистрі Мақпал Шакирова.

Сондай-ақ, Ғазиз Шерәлиев пен Нұрдаулет Қыдырбай дуэт ретінде өнер көрсетіп, екінші орынды иеленді. Жүлдегерлерді байқауға дайындаған - «Дәстүрлі музыка өнері және хореография» білім беру бағдарламаларының аға оқытушысы, педагогика ғылымдарының магистрі Гүлжаухар Ниязбаева.

Сонымен қатар, Шұғыла Сапарқызы жоғары деңгейде өнер көрсетіп, екінші орынды жеңіп алды. Оның жетекшісі – Гүлмира Тлеумбетова, «Дәстүрлі музыка өнері және хореография» білім беру бағдарламаларының аға оқытушысы, педагогика ғылымдарының магистрі.

Ал Нұралы Бакишев ерекше дарынымен көзге түсіп, екінші және үшінші орындарды иеленді. Оның жетекшілері – аға оқытушы, Мәдениет саласының үздігі Алдияр Шағдатов пен аға оқытушы, педагогика ғылымдарының магистрі Гүлнұр Жағалова.

Қорқыт ата атындағы Қызылорда университетінің студенттері бұл байқауда ұлттық өнерімізді дәріптеп қана қоймай, өздерінің кәсіби деңгейінің жоғары екенін тағы бір мәрте дәлелдеді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru