• 10 сәуір 2025
• 267

“Харассментке төзбеушілік” тақырыбында кездесу өтті

Қорқыт ата атындағы Қызылорда университетінің Психологиялық қолдау орталығы 5-ші жатақхананың студенттерімен “Харассментке төзбеушілік” тақырыбында кездесу ұйымдастырды. Кездесу барысында студенттерді харассменттің алдын алу, оған төзбеушілік көрсету және психологиялық қолдау туралы ақпаратпен таныстырды.
Психолог Сәндігүл Дәрібаева шараны жүргізіп, студенттерді харассмент ұғымымен таныстырып, оны болдырмау жолдарын түсіндірді. Оның айтуынша, харассмент — бұл жеке адамға қатысты орынсыз мінез-құлық пен әрекеттердің кез келген түрі. Бұл мәселе қоғамда кең таралып келеді, сондықтан оны анықтап, уақытында алдын алу маңызды.

Сонымен қатар, кездесу барысында “Достық қарым-қатынас”, “Іскерлік қарым-қатынас” және “Интимдік қарым-қатынас” деген ұғымдар талқыланды. Психолог қатысушыларға әртүрлі қарым-қатынастардағы психологиялық аспектілерді түсіндіріп, олардың ара-жігін ажыратуға көмектесті. Студенттерге осы қарым-қатынастарда психологиялық қауіпсіздікті сақтаудың жолдары көрсетілді.