• 10 сәуір 2025
• 165

«Адамзаттың табиғатсыз күні жоқ» тақырыбында экологиялық олимпиада өтті

«Таза Қазақстан» жобасы аясында Қорқыт ата атындағы Қызылорда университетінде «Электр энергетикасы, техносфералық қауіпсіздік және экология» білім беру бағдарламасының ұйымдастыруымен «Таза Қазақстан» экологиялық акциясы аясында «Адамзаттың табиғатсыз күні жоқ» тақырыбында экологиялық олимпиада өтті.

Шараның мақсаты – жастардың экологиялық мәдениетін арттырып, қоршаған ортаға деген жауапкершілік сезімін қалыптастыру.

Олимпиада барысында қатысушылар бірнеше кезең бойынша сынға түсті. Студенттер экология тақырыбында эссе жазып, табиғатты қорғау жайында өз көзқарастарын білдірді. Сонымен қатар, қатысушыларға экологиялық білімге бағытталған тест тапсырмалары ұсынылды.

Олимпиада нәтижесінде белсенділік танытқан студенттер Алғыс хаттармен және сертификаттармен марапатталды.

Жарыс қорытындысы бойынша І орынды «Су шаруашылығы және жерге орналастыру» білім беру бағдарламасының студенті Фариза Аманбаева, ІІ орынды «Биология, география және химия» білім беру бағдарламасының студенті Шахназ Уалиханова және ІІІ орынды «Биология, география және химия» білім беру бағдарламасының студенті Мейірхан Сансызбай иеленді.

Сайыста «Үздік эссе» және «Үздік видеоролик» номинациясы бойынша «Шетел тілдері және аударма» білім беру бағдарламасының студенттері Ізбасар Әмір мен Алиасқар Алтынбеков марапатталды.

Аталған шара университетімізде экологиялық білім беруді насихаттап қана қоймай, студенттердің табиғатты аялауға деген көзқарасын тереңдетті.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru