• 14 сәуір 2025
• 265

AI саласында ғылыми зерттеуді қалай бастау керек?

Қорқыт ата атындағы Қызылорда университетінде ғылым айлығына орай «AI саласында ғылыми зерттеуді қалай бастау керек?» атты ғылыми семинар ұйымдастырылды. Семинардың модераторы – PhD, «Компьютерлік ғылымдар» білім беру бағдарламасының жетекшісі Нұрбек Қонырбаев.

Аталған шара жас зерттеушілерге бағыт-бағдар беру, шабыттандыру және тәжірибе алмасу мақсатында өткізілді. Семинарға университет оқытушылары, магистранттар мен студенттер қатысты.

Іс-шара барысында жасанды интеллект саласындағы ғылыми-зерттеу жұмыстарының маңыздылығы, заманауи трендтері және зерттеу жүргізудің бастапқы қадамдары кеңінен түсіндірілді. Сонымен қатар, тақырып таңдаудан бастап, ғылыми мақаланы жазу, дереккөздермен жұмыс істеу, нәтижені талдау мен оны жариялау жолдары туралы нақты кеңестер берілді. 

Шара соңында Коммерцияландыру бөлімінің басшысы Нұржан Еділбаев баяндамашыларға арнайы сертификаттар табыстады.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru