• 12 сәуір 2025
• 243

Университет студенттері республикалық олимпиададан жүлделі орын иеленді

Қорқыт ата атындағы Қызылорда униыерситетінің студенттері Л.Н. Гумилев атындағы Еуразия ұлттық университетінде өткен «Археология және этнология» білім беру бағдарламасы бойынша ХVIIІ Республикалық пәндік олимпиадаға қатысып, жүлделі орынға ие болды.
Жарыстың мақсаты - студенттердің ғылыми-зерттеу қабілеттерін дамыту және шығармашылық ойлау қабілеттерін шыңдау. Сонымен қатар, олимпиада білім алушылардың тарихи-мәдени мұраға деген қызығушылығын арттырып, оларды ғылыми ізденіске баулуды көздейді.

Республикалық  олимпиадаға алты жоғары оқу орнынан барлығы 24 студент қатысты.
Білімділер бәйгесіне «Тарих және археология» білім беру бағдарламаларының студенттері Нұрай Сатыбаева, Нұрдәулет Айтбазар, Рамазан Әлтаев және Мәди Туленов қатысты. Команда жетекшісі - «Тарих және археология» білім беру бағдарламаларының аға оқытушысы Ыслам Құрманиязов .

Айта кетсек, сайыс қорытындысы бойынща Қорқыт ата атындағы Қызылорда университетінің «Жетіасар» командасы III орын иеленді.
Жеңістеріңіз құтты болсын!

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru