• 23 сәуір 2025
• 129

АҚШ университеттерінде 2026-2027 оқу жылы Фулбрайт стипендиялық бағдарламасы бойынша магистр дәрежесін алу үшін жас оқытушылармен қызметкерлерге арналған конкурс туралы ХАБАРЛАНДЫРУ

Қорқыт Ата атындағы ҚУ халықаралық байланыстар бөлімі 2026-2027 оқу жылында АҚШ университеттері магистратурасына арналған Фулбрайт стипендиялық бағдарламасы конкурсына қатысу үшін құжаттарды қабылдау туралы хабарлайды.

Фулбрайт стипендиялық бағдарламасы келесі басым бағыттар бойынша оқуға арналған: Ауыл шаруашылық және STEM мамандықтары, қоғамдық денсаулық сақтау, қоғамдық денсаулықты басқару, молекулалық/микробиология, биохимия, биофизика, медициналық инженерия және соларға ұқсас салалар. Дегенмен, бағдарлама оқудың барлық бағыттарына ашықтығын жариялайды.

Конкурсқа жоғары білімді және АҚШ бакалаврынан төмен емес дәрежесі мен 2 жыл жұмыс өтілі бар Қазақстан азаматтары қатыса алады.

Үміткерлер келесі құжаттарды тапсыруы керек:

1. Толтырылған онлайн өтінім

2. Академиялық транскрипттердің, дипломдардың және олардың нотариалды куәландырылған аудармаларының ресми көшірмелері

3. Университет оқытушыларынан немесе жұмыс берушілерден үш ұсыныс хат

4.TOEFL және GRE / GMAT тест нәтижелері сертификаттары. Үміткерлерден тестілеу нәтижелерін өтініш беру мерзіміне дейін тапсыру талап етілмейді.

5. Түйіндеме немесе CV.

6. Паспорттың биодеректер парағының көшірмесі

7. Қосымша сұралған барлық құжаттар онлайн өтінімге жүктелуі керек.

Фулбрайт стипендияялық бағдарламасының гранты келесіні қамтиды:

1. J -1 Visa қолдауы

2. Оқу ақысы және алымдар

3. Денсаулықты сақтандыру полисі

4. Ай сайынғы стипендиясы

5. Кітаптар мен аксессуарлар

6. Америка Құрама Штаттарына бару-қайту халықаралық ұшақ билеттері.

Іріктеу процесі:

1.     Онлайн-анкетаны техникалық тексеру

2.     Тәуелсіз сарапшылар тобының тексеруі

3.     Үміткерлерді іріктеу сұхбатына шақыру.

4.     TOEFL және GRE / GMAT емтихандарына тіркелу​

5.     Дж. Уильям Фулбрайт стипендиялық кеңесінің (FSB) қол жетімді қаржыландыру және академиялық тағылымдамадан сәтті өтуі үшін мақұлдау.

Онлайн өтінімдерді қабылдаудың соңғы мерзімі: 2025 жылдың 15 шілдесі, Астана уақыты бойынша сағат 12:00-ге дейін.

Құжаттар қабылдау және консультация беру халықаралық байланыстар бөлімінде өткізіледі.

Мекен-жайымыз: Қызылорда қ-сы, Әйтеке Би көшесі 29-А, бас оқу ғимараты, 2-қабат,   224-ші бөлме, телефон: 26-29-57

Қорқыт Ата атындағы ҚУ-дың  халықаралық байланыстар бөлімі