• 24 сәуір 2025
• 158

Студенттік ғылым-2025

Қорқыт ата атындағы Қызылорда университетінде дәстүрлі түрде ұйымдастырылатын «Студенттік ғылым-2025» ХХVІІ ғылыми конференция биыл да жоғары деңгейде өтті. Бұл шара «Әлемді ғылым құтқарады – III» атты ғылым айының аясында өткізілді.
Жиында Ғылыми жұмыстар және халықаралық байланыстар жөніндегі проректор Майнұр Бөрібаева ашып, ғылым жолына бет бұрған жастардың рөліне ерекше мән беріп, қатысушыларға сәттілік тіледі. Сондай-ақ, Жас ғалымдар кеңесінің төрағасы Нұрғали Ақылбеков конференцияның негізгі мақсат-міндеттері мен оның студенттік ғылым үшін маңыздылығына тоқталды. 

Конференция барысында студенттер өз ғылыми баяндамаларын қорғап, зерттеулері мен жобаларын таныстырды. 
Сонымен қатар, студенттердің ғылыми шығармашылығы мен жетістіктері көрсетілген арнайы көрме ұйымдастырылды. Бұл көрмеде университеттегі 33 студенттік үйірменің жобалары мен жетістіктері жұртшылық назарына ұсынылды.

Аталған шара студенттердің ғылыми әлеуетін арттырып, зерттеу дағдыларын дамытуға серпін берді. Конференция соңында ғылыми жобаларымен ерекшеленген қатысушыларға арнайы марапаттар табысталды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru