• 25 сәуір 2025
• 69

«Кедергісіз келешек» идеялар хакотоны

Қорқыт ата атындағы Қызылорда университетінде «Аманат» партиясы Тұран филиалы қолдауымен Жасанды интеллект институтының ұйымдастыруымен, партияның жоспарына сәйкес «Кедергісіз келешек» хакатоны өтті.
Кездесудің мақсаты – инклюзивті әрі кедергісіз қоғам құруға бағытталған жаңа идеялар мен шешімдерді табу және дамыту. Хакатон жастардың шығармашылығын арттыруды, әлеуметтік мәселелерге назар аудартуды және инновациялық бастамаларды қолдауды көздейді.

Сонымен қатар, партия мен университет бастамаларын біріктіре отырып, қоғамның әлеуметтік жауапкершілігін арттырып, қатысушылардың әлеуметтік мәселелерді технологиялық әдіспен шешуге деген көзқарасын қалыптастыру.
Іс-шара барысында қолжетімді білім мен жұмыс, Smart технологиялар, инклюзия және Citizen 5.0 негізіндегі шешімдер бойынша тың ұсыныстар жасады.

Жарысқа 27 команда тіркеліп, өз жобаларын көпшілікке ұсынды. Нәтижесінде I орынды VNaVision, II орынды SPZ, III орынды KasipVR командасы иеленді.
Жеңімпаздарды құттықтай отырып, алдағы бастамаларыңызға сәттілік пен үлкен жетістіктер тілейміз!
Айте кетсек, IT бағыты бойынша өңірдегі жетекші оқу орнына айналған Қорқыт ата атындағы Қызылорда университетінде жас IT майталмандарының мұндай байқауларын өткізу тұрақты дәстүрге айналып отыр.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
 e-mail: media_korkyt@mail.ru